2021ean izan zuen arrakasta ikusita, Sailkapen Hamartar Unibertsala (SHU): deskribapena, egitura eta aplikazioa izeneko ikastaroa berriro eskaintzea erabaki genuen. Izan ere, oro hat, oso aukera gutxi daude SHUaren egiturari buruzko ikastaroren bat topatzeko eta profesional askorentzat funtsezko formazioa da.
Gai hau sakon lantzen duten irakasleak topatzea ere ez da batere erraza, baina zorionez Amador Fernandez adituak eta ALDEEk elkarlanerako eta gure profesionalak formatzeko konpromisoa hartua dugunez, ikastaro hau eskaintzeko modua izan dugu beste behin ere.
Ikastaro honen helburu nagusia ikasleei liburutegi batean egiten duten eguneroko lanean aplikatu ahal izango dituzten zenbait jarraibide ematea da, oinarri sendo eta funtsatu bat sortzeko, kasurik ohikoenetan Sailkapen Hamartar Unibertsala (SHU) behar bezala erabiltzea eta erregistro bibliografikoan behar bezala islatzea ahalbidetzeko.
Euskadiko Artxibo Historikoaren egoitzan (Bilbon) egin genuen ikastaro hau eta honekin abiatu genuen 2022ko formazio urtea.
