MARC21 formatuan katalogatzea
2023 Iraila 11 2023 Iraila 13 Ikastaroak
Euskadiko Liburutegi Publikoen Sareko liburutegietan ematen diren pertsonal-aldaketek eraginda, etengabe jende berria sartzen ari da Liburutegi Sarean eta gure liburutegietan langileen artean desberdintasun handiak daude formazio-mailan. Egoera hori gainditzen hasteko asmoarekin, aurten ere, Sarean MARC21 formatuan katalogatzeko oinarrizko ikastaroa eskaintzea erabaki dugu Estibalitz Zubiaur adituarekin, Eusko Jaurlaritzako Liburutegi Zerbitzuko Katalogazio arduradunarekin.
Sentsibilizazioa eta genero-berdintasunaren eta aniztasunaren irizpideak aplikatzea liburutegian
2023 Ekaina 22 2023 Ekaina 23 Ikastaroak
Sentsibilizazioa eta genero-berdintasunaren eta aniztasunaren inguruko ikastaroa antolatu dugu ekainerako. Ekainaren 22an eta 23an izango da Bilbon, Azkuna Zentroan, Esther Felipe adituarekin.
Liburu aurkezpena
2023 Ekaina 6 2023 Ekaina 6 Hitzaldiak
ALDEEk "La biblioteca imaginada, jardín para sembrar comunidades" liburua argitaratu du euskaraz. "Liburutegi imajinatua, komunitateak ereiteko lorategia" tituluarekin emango da argitara eta ekainaren 6an aurkeztuko dugu Gonzalo Oyarzúnen liburuaren itzulpena Medialab Tabakaleran. Bertan izango dira egilea bera, euskarazko edizioaren azala sortu duen Maite Gurrutxaga ilustratzailea eta hitzaurrea idatzi duen Iban Zaldua idazlea.
Bisita profesionala: HABE Liburutegia
2023 Maiatza 12 2023 Maiatza 12 Bisitak
Udaberrian izango da aurtengo lehen bisita profesionala: maiatzaren 12an HABE Liburutegia ezagutzeko aukera izango dugu. Izen-ematea dagoeneko zabalik dago. Bisita profesionala ALDEEko bazkideentzat soilik eta dohainik izango da.
2023ko Ohiko Batzar Orokorra
2023 Maiatza 6 2023 Maiatza 6 Batzarrak
2023ko Ohiko Batzar Nagusirako deia luzatzen du ALDEEk. Batzarra maiatzaren 6an egingo da, larunbatarekin, BiBat Arkeologia Museoan, Vitoria-Gasteizen, goizeko 10:30etan lehen deialdian eta 11:00etan bigarrenean.
Oinarrizko Katalogazioa
2023 Otsaila 28 2023 Martxoa 2 Ikastaroak
Ikastaro honen helburu nagusia ikasleei jarraibide katalografiko batzuk ematea da, liburutegi batean egiten den eguneroko lanean aplikatu ahal izateko, oinarri sendo eta funtsatu bat sortzeko, informazio bibliografikoa identifikatzeko eta idazpen/erregistro bibliografikoan behar bezala islatzeko, horrek erabiltzaileari informazioa behar bezala berreskuratzea erraztuko baitio.
Liburutegiak eta eraikuntza komunitarioa: gizartea eraldatzeko estrategiak abian jartzeko tresna praktikoak
2023 Otsaila 23 2023 Otsaila 25 Ikastaroak
Zergatik parte hartzen dute pertsona batzuek bizitza kolektiboan eta beste batzuek ez? Nola ulertu komunitate batean zer gertatzen den liburutegitik lan egin ahal izateko? Nola konekta ditzake liburutegiak askotariko eragileak proiektu bateratuak abian jartzeko? Zer tresna aktiba ditzakegu gure liburutegietatik gure herria edo auzoa ikuspegi komunitario batekin eraldatzeko?
Datuen garaiko dokumentu-kudeaketa. Datasets-en balorazioa eta babes digitala
2023 Urtarrila 26 2023 Urtarrila 26 Jardunaldiak
Dokumentu-datuak dikotomia aspalditik da eztabaidagai informazioaren kudeaketan parte hartzen duten profesionalen artean. Jardunaldi hau ikuspegi datazentriko batetik diseinatu dugu, eta horri lotutako hainbat arazo konpontzen saiatzea da gure asmoa, hala nola datu-baseetatik datozen datu-multzoen balorazioa eta horien babes digitala.
Gehiago irakurri: Datuen garaiko dokumentu-kudeaketa. Datasets-en balorazioa eta babes digitala
Euskadiko Liburutegiei buruzko Legeak 15 urte: geroa irudikatzen
2022 Azaroa 18 2022 Azaroa 18 Jardunaldiak
Azaroaren 18an, 'Euskadiko Liburutegiei buruzko Legeak 15 urte: geroa irudikatzen' izeneko jardunaldia egingo da Gasteizen, Eusko Legebiltzarrean, Tomas Moro aretoan, ALDEEk antolatuta. Imanol Zubero, soziologian doktorea eta EHU/UPV-ko tituludun irakaslea, eta Oscar Arroyo, FESABID txostenaren egilea, izango dira hizlari nagusiak. Amaieran mahai-ingurua egingo dugu Eusko Legebiltzarreko ordezkari politikoekin.
Gehiago irakurri: Euskadiko Liburutegiei buruzko Legeak 15 urte: geroa irudikatzen
Bisita profesionala: Lazkaoko Beneditarren Dokumentazio-Gunea
2022 Azaroa 11 2022 Azaroa 11 Bisitak
2022ko bigarren bisita profesionala artxibo berezi batera egingo dugu, Lazkaoko Beneditarren Dokumentazio-Gunera. Euskal Herrian den artxiborik bitxienetariko da Lazkaoko Beneditarrena, izan ere, besteak beste, euskal gaien inguruko 22.000 kartel eta 25.000 pegatinatik gora gordetzen ditu, 1970etik gaur egunera artekoak. Mota askotako pegatinak dira, nahiz eta politikoak eta sozialak diren nagusi, gainerako bildumekin gertatzen den moduan.
Gehiago irakurri: Bisita profesionala: Lazkaoko Beneditarren Dokumentazio-Gunea