Gipuzkoako liburutegi eta artxiboetan lan egiten duten langileek lan hitzarmena izateko aurreakordioa sinatu dute, sektoreko lana aitortzeko eta duintzeko ezinbestekoa.
Informazioa eta dokumentazioaren kudeatzaileen Gipuzkoako lehen hitzarmen kolektiborako aurreakordioa sinatu dute GALDEk eta LAB sindikatuak. Hitzarmen hau aitzindaria izango da, EAEn eta Nafarroan ez dago halakorik, ezta Estatuan ere.
ALDEEk 2019ko UEUko Jardunaldietan bota zuen lehen harria eta hark bere bidea egin du. 2019ko Informazio eta Dokumentazio Kudeatzaileen V. Bilkurako gaia hauxe izan zen: Liburutegi eta artxiboak: funtzionaritzatik haratagoko kontratazio markoa. Nolakoa da etorkizuna?
Jardunaldi hartan sektoreko langile eta enpresaburuek bat egin zuten, soluzioak bilatzeko beharraz asko eztabaidatu zen eta, harrez gero, ALDEEk fitxak mugitzen jarraitu du.
Orain arte, sektoreko erreferentziazko hitzarmenik ezean, hainbat hitzarmen desberdin aplikatu diete sektoreko langileei, eta honek langileen arteko arrakala eta prekaritatea areagotu besterik ez du egin. Hori dela eta, 2021eko abenduan, LABek negoziazio mahaira deitu zituen sektorea ordezkatzen duten enpresa eta sindikatuak, sektorea prekaritatetik urrundu eta lan baldintzak duinduko dituen hitzarmena lortzeko asmotan.
Gipuzkoako liburutegi eta artxiboetako langileei eragingo dien hitzarmen honek, 2023 urtera arteko iraunaldia izango du. Hitzarmen berririk negoziatu ezean, iraunaldia bermatuta izango duen hitzarmena da.
Gutxienezko eduki hauek barneratuko dituen hitzarmena sinatuko dute:
Lanbidearen profesionaltasunabermatuko duen lan kategorien mailaketa bat jasoko da. Lan teknikoei dagokien garrantzia emanez.
Lan kategorien araberako soldaten erregulazioa. Langile guztien egoera hobetuko duena, sektore honetan lan egiten duen langile ororen, gutxieneko urteko soldata 22.260 eurotan finkatzen da, hau da, gutxieneko soldata kategoria baxuenetako langileentzat 1.484 euro gordin hilabetean izango da (15 ordain saritan). Sektoreko langileen soldata bataz beste %20an igoko da.
Horrez gain,
Langileen osasuna lehenetsiko duena:
Kontziliazioa erraztuko duten neurriak jasoko dira:
Eta horiez gain, euskaraz lan egitea lehenetsiko duen hitzarmena izango da, euskara hutsean lan egiten ez duten enpresetan derrigorrezkoa izango dute Euskara Plana negoziatzea eta garatzea.