3D inprimaketarako hastapenak
2021 Azaroa 9 - 2021 Azaroa 10 Ikastaroak
Bertan behera
Ikastaro hau liburutegietako profesionalentzako prestakuntza gisa planteatzen da, beren instalazioetan 3D inprimaketa-zerbitzua eskaini ahal izateko eskaintzaren zati gisa. 3D inprimaketa-teknologien eta haien oinarrizko funtzionalitate teknikoaren ikuspegi espezifikoa ematen saiatuko gara. Ikasleak 3d FDM inprimagailu bat mantendu eta erabili ahal izateko gaitasunak bereganatuko ditu, baita sor daitezkeen arazo errazak eta ohikoak konpontzeko gaitasuna ere.
Eginzaleak liburutegian
2021 Urria 29 - 2021 Urria 30 Ikastaroak
Bertan behera
Herritarren eta liburutegien arteko harremana aldatzen ari da. Isiltasun eta irakurketa zerbitzu/espaziotik haratago, era praktikoan gauzak ikasteko aukerak eskaintzen dituen zerbitzuak dira egun liburutegi asko. Elkar topatu eta elkarrekin egoteko lekua, proiektuak elkarrekin aurrera eramateko plaza, tresnak eta teknologiak erabiltzen ikasteko zerbitzuak… ere badira liburutegiak. Bainan hau nola pentsatu, landu eta antolatu daiteke? Zer behar da? Nola eraman dezaket aurrera? Modu ezberdinak egon badaude ere, Medialab Tabakaleraren ezagutza eta esperientzia azalduz liburutegi bakoitzak bere proiektua definitzeko lantegi praktikoa proposatzen dugu.
Administrazioen erronkak 203/2021 Errege Dekretuaren eta eraldaketa digitalaren aurrean
2021 Urria 19 - 2021 Urria 19 Jardunaldiak eta Topaketak
Egina
Urriaren 19an, %100 online izango den gure lehen jardunaldia eskainiko dugu. Horretarako, arlo horretako lau profesional handi izango ditugu gurekin: Concepción Campos Acuña, Vigoko Udaleko Idazkaria; Ignacio Alamillo Domingo, abokatua, sistemetan eta informazioaren segurtasunean espezializatutako aholkularia; Sonia Crespo Nogales, Las Rozas de Madrideko Kudeaketa Dokumentalaren eta Artxiboaren arduraduna eta Anna de la Fragua Cobo, artxibozaina eta Saint Feliu de Llobregateko Udaleko dokumentuak kudeatzeko sistema integralaren administratzailea.
Adinekoentzako liburutegi-zerbitzuak antolatzea eta ematea
2021 Maiatza 31 - 2021 Uztaila 4 Ikastaroak
Egina
Gizarte modernoak aldatzen ari dira zentzu askotan, baina, zalantzarik gabe, aldaketa esanguratsuenetako eta nabarmenetako bat da gizarte-egitura demografikoki aldatzen ari dela herrialde askotan, non adinekoen presentziak nabarmen egin duen gora. Liburutegi publikoek, beren ingurunean sortzen diren aldaketei adi, ezin dute aldaketa demografiko hori alde batera utzi, eta lan-ekimenak eta -estrategiak hartu behar dituzte adinekoen populazio-taldearen beharrei eta interesei erantzuteko, datozen urteetan gero eta presentzia handiagoa izango baitute.
Gehiago irakurri: Adinekoentzako liburutegi-zerbitzuak antolatzea eta ematea
Katalogazio aurreratua
2021 Maiatza 19 - 2021 Maiatza 21 Ikastaroak
Egina
Euskadiko irakurketa publikoko sarearen jarraibideen arabera, inprimaki modernoak katalogatzen jakiteko ikastaroa antolatu dugu. Aurten Estibalitz Zubiaur adituak emango ditu saioak modu presentzialean Vitoria-Gasteizen eta euskaraz izango da ikastaroa.
#1lib1ref, liburuzainak wikilari
2021 Maiatza 14 - 2021 Maiatza 14 Tailerrak
Egina
Wikipedian informazioa erreferentziatzea bereziki garrantzitsua da. Edukia nondik datorren jakitea, bere sinesgarritasuna ziurtatzeko moduetako bat da. Mundu osoan liburuzainek urtean birritan #1lib1ref kanpainan hartzen dute parte, edukiak erreferentziatu eta liburuzainen paper garrantzitsua aldarrikatzeko helburua duen proiektua. Kanpaina horren aurtengo bigarren saioa maiatzaren 15ean abiatuko denez, liburuzainek nola parte har dezaketen eta zein ekarpen egin ditzaketen azalduko digu Galder Gonzalezek, 2 orduko online lantegian.
Oinarrizko katalogazioa
2021 Apirila 21 - 2021 Apirila 23 Ikastaroak
Egina
Ikastaro honen helburu nagusia ikasleei jarraibide katalografiko batzuk ematea da, liburutegi batean egiten den eguneroko lanean aplikatu ahal izateko, oinarri sendo eta funtsatu bat sortzeko, informazio bibliografikoa identifikatzeko eta idazpen/erregistro bibliografikoan behar bezala islatzeko, horrek erabiltzaileari informazioa behar bezala berreskuratzea erraztuko baitio.
Liburuak eta dokumentuak zaharberritzea eta kontserbatzea
2021 Martxoa 5 - 2021 Martxoa 6 Ikastaroak
Egina
Liburutegi edo artxibo batean jasotzen diren eta egoera txarrean dauden liburuei lehen esku-hartzeak egiten ikasteko lantegia da. Hori dela eta, liburutegietako edo artxiboetako langileei zuzenduta egongo da. Liburutegi edo artxibo baten beharrak hartu dira kontuan; izan ere, liburuak hainbeste erabiltzen direnean, bizkar edo orriak askatu egiten dira, eta garrantzitsua da lehen esku-hartzea ezagutza jakin batzuekin egitea.
Gehiago irakurri: Liburuak eta dokumentuak zaharberritzea eta kontserbatzea
Katalogazio aurreratuko ikastaroa.
2020 Azaroa 9 - 2020 Azaroa 11 Ikastaroak
Egina
Ikastaro honen helburua ikasleei katalogatzeko ezinbesteko jarraibide orokorrak eta inprimaki modernoetarako zehaztutako jarraibide espezifikoak helaraztea da, maila goreneko erregistro bibliografiko osoak eraikitzeko. Liburutegietako eta liburutegia duten dokumentazio-zentroetako langileei zuzenduta, EISPen jarraibide katalografikoak barnera ditzaten.
Garapen profesionalerako konpetentzia digitala
2020 Urria 29 - 2020 Abendua 10 Ikastaroak
Egina
IKTeen erabilera geroz eta beharrezkoagoa den garai hauetan, gure lan-esparruan txertatzen hasteko unea da eta horretara dator UEUrekin batera antolatu dugun ONLINE eta EUSKARAZ egingo den ikastaro hau. Lanerako baliabide gisa oso garrantzitsua da dagoeneko IKTak erabiltzea informazioa lortzeko, ebaluatzeko, gordetzeko, sortzeko, aurkezteko eta trukatzeko eta Internet bidez kolaborazio-sareetan komunikatzeko eta parte hartzeko.
Gehiago irakurri: Garapen profesionalerako konpetentzia digitala