CCB 2025 zigilua Musikeneko Mediatekarentzat
- Mota
- Gertakariak. Sariak
- Data
- 2026 Urtarrila 21
CCBk Musikeneko Mediateka saritu du 2025eko CCB Zigiluarekin, Liburutegi Espezializatuen kategorian "Talde instrumentalentzako materialen kudeaketan berrikuntza: Musikeneko Mediatekatik egindako proposamen jasangarria" proiektuarekin.
Aitorpen hau urtero ematen du Liburutegien Lankidetzarako Kontseiluak (Consejo de Cooperación Bibliotecaria), Espainiako Kultura Ministerioaren babespean. Ekimen aitzindaria da saritu dutena: “Talde instrumentalentzako materialen kudeaketan berrikuntza: Musikeneko Mediatekatik egindako proposamen jasangarria” izeneko proiektua.
Hain zuzen, orkestra materialen kudeaketa integral eta jasangarria proposatzen du egitasmo honek, ikastegiko jarduera akademiko eta artistikoari dokumentazio-euskarri espezializatua eskainiz, hezkuntza-komunitatearekin koordinatutako plangintza estrategiko baten bidez.
Bide honetan, Musikeneko Mediatekak liburutegi-eremuko jardunbide egokien sustapenean duen eginkizuna indartzen du, eta sorkuntza, irakaskuntza eta ikerketa musikalaren zerbitzura dagoen baliabide estrategiko gisa sendotzen da.
CCB Zigiluak duen aitorpen instituzionalaz gain, 5.000 euroko diru-laguntza jasoko du Mediatekak, eta berau 2026 urtean zehar garatuko diren ekintza berrietara bideratuko da.