EIPSko langileen egoera: zer dakigu?

2020ko otsailean, Euskadiko Irakurketa Publikoko Sarearen "uneko argazki" bat osatze aldera, liburutegi publikoetako profesional guztiengana jo genuen, inprimaki baten bidez beren liburutegien kudeaketari (administrazioa, enpresa publikoa, enpresa pribatua) eta haien lan-baldintzei (kategoria, soldata-maila, lan-hitzarmena, lanaldia) buruzko informazioa emateko. Gure ustez, bildutako informazioari esker, gure lurraldeko liburutegien eta profesionalen egoerari buruzko ikuspegia hobetu ahal izango da, eta lanbidea defendatzeko politika artikulatu ahal izango da.

Dakizuenez, ALDEE 1990ean sortu zen. Une horretatik aurrera, gure jarduera profesionala garatzen ari garen ingurunean etengabeko eraldaketa ikusi dugu. 30 urte daramatzagu eraldaketa horiek aztertzen eta behar berriak identifikatzen, helburu estrategikoak zehazteko, jarduera-ildoak egokitzeko eta gure profilak birbideratzeko. Azken batean, 30 urte eboluzionatzen gure elkartekideentzat eta gizartearentzat baliagarriak izaten jarraitzeko. Gure kezka nagusietako bat lanbidearen defentsa da.

Euskadiko GLAM (¹) erakunde gehienak administrazio publikoen mende daude, eta, beraz, haiek dira (batez ere tokikoak) sektoreko kontratatzaile handienak.
«Jabe» gisa, eskaintzen dugun zerbitzuaren lan-baldintzak eta kalitatea zehazten dituzten kontratazio-betekizunak ezartzen dituzte.
Administrazio horiek nola eraldatzen ari diren eta etorkizuneko erronkei nola aurre egiten dieten ulertzea (gastuak, inbertsioak, azpiegiturak berritzea, belaunaldi-erreleboak) oso lagungarria da gure interesak defendatzeko.
Eta, zalantzarik gabe, erronka horietako bat finantzaketa da (eskaintzen dituzten zerbitzuak diru-sarrerak baino gehiago handitzen dira), bai eta haien egoera ekonomikoa arintzeko kudeaketa-ereduak bilatzea ere.

Jarraitu irakurtzen