Bazkide horiek,
Datorren martxoan hiru urte beteko dira ALDEEko Zuzendaritza Batzordea aukeratu
zenetik; hori dela eta, beste hauteskunde batzuk deitu beharko dugu, eta edozein
elkarteren jardueraren oinarrian dauden konpromisoa eta konfiantza berriro jokoan
jarri. Batetik, ALDEEren jardute ildoak zehazten modu aktiboan parte hartzeko prest
dauden pertsona guztien konpromisoa, eta, bestetik, hauteskundean aktiboki parte
hartuz baten batengan jarriko duten konfiantza.
Konpromisoaren eta konfiantzaren arteko oreka indartzea eta Elkartean parte
hartzeko beste dinamika bat sortzea izan dira orain arteko Zuzendaritza
Batzordearen helburuetakoak. Zuzendaritza berria hautatzea baliagarria izan daiteke
ikusteko ea joera hori zertxobait aldatzeko gai izan garen ala ez. Dena dela, une
egokia da ALDEEren jardueran zuzenean esku-hartu ahal izateko, hautagaitza bat
osatuta edo, kasua balitz, zuek zeuek hautagai aurkeztuta.
Gogorarazten dizuegu hautaketa prozesuari buruz Elkartearen estatutuek
(http://www.aldee.org/es/estatutos.php) bi aukera aurreikusten dituztela:
Hautagaitzak aurkeztea hautagai zerrendak prestatuta, edo, halako hautagaitzarik ez
badago, Batzar Orokorraren egunean bertan pertsona batzuk aurkeztea hautagai.
Kasu batean zein bestean, aukeraketa egin ondoren aukeratutako pertsonen taldeak
esango du nork eta nola banatzen diren erantzukizunak. Animatu zaitezte eta
aurkeztu zuen hautagaitzak. Aberasgarria litzateke gaur egun
Zuzendaritza
Batzordea osatzen duten pertsonek aurkeztuko duten hautagaitzaz aparte besteren
bat ere egotea. Soberan dago azaltzea zein den gaur eguneko egoera soziala eta
laborala. Gure ustez, oraintxe da unea pertsona eta kolektibo gisa parte hartzeko.
Zuk ere hala uste baduzu, hauxe da unea.
Egin dagokizuna eta parte hartu hauteskundeetan, hautagai gisa eta, nola ez,
hautesle gisa ere bai.
Hona hemen hauteskundearen prozesuko epeak:
- Otsailaren 15ean, hautagaitzak aurkezteko epea hasiko da.
- Martxoaren 1ean, hautagaitzak aurkezteko epea bukatuko da.
- Martxoaren 16an, ALDEEren Batzar Orokorra egingo da.
Agur,
Zuzendaritza Batzordea
PD: Batzarrean gai zehatzen bat aztertzea nahiko bazenu,idatzi aldee@aldee.org
helbidera eta proposamena egin.
Buen Pastor Plaza 15, 1 ezk. 20005 Donostia-San Sebastián NIF/IFK G- 48453138
943 462 024
aldee@aldee.org
www.aldee.org