Gipuzkoako lan-hitzarmen kolektiboa sinatu dute GALDEk eta LABek
- Mota
- Legeria
- Data
- 2022 Apirila 27
Informazio eta dokumentazio kudeatzaileen Gipuzkoako lehen hitzarmen kolektiborako akordioa sinatu dute GALDEk eta LAB sindikatuak. Hitzarmen hau aitzindaria da; EAEn eta Nafarroan ez dago halakorik, ezta Estatuan ere.
ALDEEk 2019ko UEUko Jardunaldietan (Liburutegi eta artxiboak: funtzionaritzatik haratagoko kontratazio markoa. Nolakoa da etorkizuna?) bota zuen lehen harria eta hark bere bidea egin du.
ALDEEk fitxak mugitzen jarraitu du. Iazko uztailean GALDE (Gipuzkoako Artxibozain, Liburuzain eta Dokumentazio-guneen Enpresaburuen elkartea) sortu zen eta 2021eko abenduan, LABek negoziazio mahaira deitu zituen sektorea ordezkatzen duten enpresa eta sindikatuak, sektorea prekaritatetik urrundu eta lan baldintzak duinduko dituen hitzarmena lortzeko asmotan.
Apirilaren 27an sinatu da lan-hitzarmen kolektiboa. Gipuzkoako liburutegi eta artxiboetako langileei eragingo dien akordio honek, 2023 urtera arteko iraunaldia izango du. Berririk negoziatu ezean, iraunaldia bermatuta izango duen hitzarmena da.