Informazio eta Dokumentazio Kudeatzaileen IX. Bilkura
- Mota
- Gertakariak. Jardunaldi eta Topaketak
- Data
- 2023 Uztaila 1
Ekainaren 30ean Eibarko UEUren egoitzan 18 laguneko taldea bildu ginen Informazio eta Dokumentazio Kudeatzaileen IX. Bilkuran. Aurten Bilketa Euskal Funtsen Atariko lagunekin antolatu dugu jardunaldia. Liburutegi espezializatuez hitz egin dugu, zein diren, zertan ari diren nork egiten dituen jakin ahal izan dugu bakoitzaren esperientzia bertatik bertara ezagutzeko aukerarekin.
Bederatzi urte dira Informazio eta Dokumentazio Kudeatzaileen lehen Bilkura egin genuela eta ezinbesteko hitzordu bihurtu zaigu UEUko Udako Ikastaroen hau.
Aurten Espezializazioaren bideak, aniztasunaren isla: dokumentazio-zentroak eta liburutegi espezializatuak gaiaren inguruan aritu gara.
Harrera eta ongietorria UEUko Idazkari Nagusi Ane Sarasuak eta ALDEEko idazkari Oskia Agirrek egin ziguten. Jarraian, 5 hitzaldi entzuteko aukera izan genuen:
- Amaia Pascual, SIIS, Gizarte eta Ikerketa Zerbitzuaren Dokumentazio Zentroa.
- Eukene Ansuategi, Donostiako Unibertsitate Ospitaleko Liburutegia.
- Leire Alkorta, Sagarraren eta Sagardoaren Dokumentazio Zentroa.
- Jose M. Hernandez, Zikloteka, Bizikletaren Dokumentazio Zentroa.
- Elise Dilet, IKAS Pedagogia Zentroaren Dokumentazio Zentroa.