Jardunaldia 'Gure liburutegien etorkizuna: administrazioen arteko kooperazioaren eta profesionalen arteko kooperazioaren bidetik'

Joan den urtarrilaren 15ean, Bilbon, jardunaldi bat antolatu genuen liburutegi eta artxiboen arteko kooperazio eredu berriak garatzeko bidean elkarrizketarako, ideia trukaketarako eta eztabaidarako foro bat sortzeko helburuarekin. Jardunaldi horren ondorio nagusietako bat izan zen kooperazio eredu berriak lortzeko elkarlanean jarduteko beharra.
Koldo Mitxelena Kulturuneak berriz, 2014ean 20. urteurrena betetzen duela eta, liburutegien arteako kooperazioaz eta kolaborazioaz solasean jarduteko une egokia dela ikusi du.
Horrela, Bilbon hasitako bide horren haritik, eta KMren gogoetari erantzun asmoz, datorren hilean, ekainak 12 eta 19an hain zuen, Donostian, KM Kulturunearen egoitzan Jardunaldi batzuek antolatu ditugu “Gure liburutegien etorkizuna: administrazioen arteko kooperazioa eta profesionalen arteko kooperazioaren bidetik” izenburupean.
Jardunaldi hauen helburua, etorkizun hurbilera begira, egiazko liburutegi sare bat osatzea da. Gaur egun, teknologiek erreztasunak ematen dituztenez, erakunde (erakunde publiko zein pribatu: unibertsitateak, udalak, foru aldundiak, fundazioak, elkarteak, enpresak...) eta kokapen fisikoaren gainetik sareak osatzeko aukera errealitate bat da. ALDEEren ustez, parte guztiek borondatea erakutsi beharko lukete, eta, helburu hau garbi edukita, herritarrentzat zerbitzu osatu eta gaurkotu bat emateko pausoak ematen hasi beharko lirateke.