Zabalik da laborategi proiektuen deialdia: "Liburutegian ikasi... egiten, ikertzen, irakurtzen, jolasten eta IKTekin"

Liburutegietan proiektuak prototipatzeko tailerraren bigarren edizioa 2022ko azaroaren 15etik 18ra izango da Donostiako Medialab Tabakaleran. Deialdi bikoitz baten bidez (lehenengoa proiektuena, bigarrena laguntzaileena), garatu beharreko proiektuak eta horiek garatzen lagunduko duten taldeak osatuko dituzten pertsonak hautatuko dira. Edozein motatako liburutegietan abian jar daitezkeen proiektuak izan behar dute. Proiektuak aurkezteko epea irailaren 25ean amaituko da.

Liburutegien Koordinaziorako Zuzendariordetza Nagusiaren bitartez, Liburuaren Zuzendaritza Nagusia, Irakurketa Sustatzeko Zuzendaritza Nagusia eta Medialab Tabakalera liburutegietan proiektuak prototipatzeko tailerraren bigarren edizioa antolatzen ari dira. Lehen edizioa 2019an egin zen Medialab Pradon (Madril).

Laborategi honen helburua liburutegietan abian jar daitezkeen proiektuak sustatzea da. Oraingoan, guztiek izan behar dute lotura gaiarekin: «Liburutegian ikasi, egiten, ikertzen, irakurtzen, jolasten eta IKTekin». Hortaz, liburutegiaren hezkuntza-rola indartuko duen proiektua, bizialdi osoko ikaskuntzarekin zerikusia duena, zuen liburutegia inskribatuta dagoen komunitatearen hezkuntza informalarekin zerikusia duena, edota antzerako gairen bati lotutako egitasmorik baduzu, interesgarria izan daiteke deialdi honetara aurkeztea. Ez du xehetasunez landutako proiektu bat izan beharrik, ideia aurkeztea nahikoa da, beste pertsona batzuen parte-hartzeari esker pentsatu eta garatu ahal izateko.

Deialdiaren oinarriak esteka honetan daude eta proiektu-proposamenak bidaltzeko epea irailaren 25ean amaituko da. Horretarako prestatu den formularioa betez egin behar da bidalketa.

Ondoren, lantegia azaroaren 15etik 18ra izango da Donostiako Medialab Tabakaleran. Deialdi bikoitz baten bidez egingo da (lehenengoa proiektuena, bigarrena laguntzaileena), garatu beharreko proiektuak eta horiek garatzen lagunduko duten taldeak osatuko dituzten pertsonak hautatuko dira. Edozein motatako liburutegietan abian jar daitezkeen proiektuak izan behar dute.