Oinarrizko katalogazioa eta MARC21 formatuaren hastapenak

Irakaslea

Helburuak

Ikastaro honen helburu nagusia ikasleei jarraibide katalografiko batzuk ematea da, liburutegi batean egiten duten eguneroko lanean aplika ditzaten, oinarri sendo eta oinarritua sortzeko, informazio bibliografikoa identifikatzeko eta idazpenean/erregistro bibliografikoan egoki islatzeko aukera izan dezaten. Horrela, erabiltzaileak errazago berreskuratuko du informazioa.

Era berean, ikasleei MARC21 formatuaren hastapena eman nahi zaie, eremu nagusietara hurbilduz.

Liburutegietako profesionalei eta liburutegietan lan egiteko prestatzen ari diren pertsonei zuzendutako oinarrizko katalogazio eta MARC21 formatuaren hastapenei buruzko ikastaroa da hau.

Ikastaro honekin honako hauek lortzen saiatzen gara:

• Ikasleek katalogazio-arauak erabiltzea eta arau horiek eguneroko lanean aplikatzeko moduan egotea.
• Ikasleek katalogazio-arau ohikoenak ezagutzea eta egoera ohikoenak beren kabuz konpondu ahal izatea.
• Ikasleak idazpen bibliografikoaren arloak eta elementu bereizgarriak identifikatzeko eta barneratzeko gai izatea.
• Ikasleek sarbide-puntu nagusiak eta bigarren mailakoak bereiztea.
• Ikasleek MARC21 formatuko eremu nagusiak identifikatzea eta arlo bakoitzeko elementu bibliografikoekin duten elkarrekikotasuna ezagutzea.

Programa

Ikastaroa aurrez aurre egingo da, ikasleek une oro eduki beharko dituzten Espainiako katalogazio-arauak erabiliz. Azalpen teorikoak eta ariketa praktiko laburrak egingo dira. MARC21 formatuaren hastapena egingo da.

Landuko diren edukiak honako hauek dira:

• Bibliografia-idazpena osatzen duten elementuak.
• Deskribapen bibliografikoa. Arlo bakoitzeko arlorik eta araurik ohikoenak.
• Sarbide-puntu nagusiak eta bigarren mailakoak zehazteko jarraibideak.
• Sarbide-puntuak idatziz jasotzea. Pertsonen, erakundeen, biltzarren eta abarren sarrerak
• MARC21 formatuaren eremu nagusiak identifikatzea.

 

Programa jeitsi

Lankidetzak

Ikastaro guztiak
ikusi