GJHen inguruko ildoak liburutegian garatzeko lan-talde berria sortu da

"Sareko Liburutegiak Garapen Jasangarrirako Helburuekin bat jardunaldian" bost lan-arlo zabaldu ziren eta lan-taldeak sortzeko konpromisoa hartu zen. Oraingoz, lan-talde horietako bat ari da lanean, Alicia Sellesek (FESABID) koordinatuta. Lan-tadea Iurretako, Hernaniko, HABEko, Ermuko, Lekeitioko, Lasarteko, Elgoibarko, Durangoko, Turtziozko eta Ignacio Aldecoa Kultur Etxeko liburutegietako ordezkariek, ALDEEk eta Liburutegi Zerbitzuko langileek osatzen dute.

Iragan martxoaren 16an, Sareko Liburutegiak Garapen Jasangarrirako Helburuekin bat jardunaldia antolatu genuen Bilbon, Euskadiko Artxibo Historikoan, Euskadiko Liburutegi Zerbitzuak eta ALDEEk elkarlanean.

Harrez gero, martxan jarraitzen dugu eta hainbat lan ildo, lan-talde eta sentsibilizazio-jarduera ari gara garatzen.

Jardunaldi hartan GJHei lotutako bost lan-arlo zabaldu ziren eta lan-taldeak sortzeko konpromisoa hartu zen. Oraingoz, lan-talde hori Alicia Sellesek (FESABID) koordinatzen du, eta Iurretako, Hernaniko, Habeko, Ermuko, Lekeitioko, Lasarteko, Elgoibarko, Durangoko, Turtziozko eta Ignacio Aldecoa Kultur Etxeko liburutegi, ALDEE eta Liburutegi Zerbitzuko langileek osatzen dute.

Bestalde, eragin eta inpaktu handiagoa lortzeko, dagoeneko, hasi gara aliantzak sortzeari eta finkatzeari buruzko ildoa garatzen. Helburua da liburutegiak eguneroko bizitzan presente egotea eta kontuan hartzea bai agenda politikoan bai garapen jasangarriko estrategietan.

Horrez gain, aliantzak sortzeari eta finkatzeari buruzko lan-ildoa garatzen ere hasi gara. Horrekin lortu nahi duguna da liburutegiak eguneroko bizitzan presente egotea eta kontuan hartzea bai agenda politikoan bai garapen jasangarriko estrategietan.

Ildo horretan, sentsibilizazio ekintza bat ari gara prestatzen arduradun politikoei, gizarte-eragileei eta herritarrei zuzendutakoa.

Bestetik, hainbat helburu finkatu ditugu liburutegiei eta garapenari buruzko saio parte-hartzaileetan, edukietan eta metodologian aurrera egiteko.

• Liburutegiak ikusaraztea, garapen iraunkorraren testuinguruan
• Liburutegiek garapen-estrategian izan dezaketen rolari buruz hausnartzea eta liburutegiak EZ diren eragileekin partekatzea
• Agenteak eta balizko aliantzak identifikatzen hastea
• Zehaztutako gainerako lan-ildoak garatzeko testuingurua eta informazioa ematea.

Udazkenean hasiko gara jarduera batzuk martxan jartzen eta zure parte hartzea beharko dugu guztia aurrera eramateko.